Takornarialerisunut paasissutissat
GVC nunatsinni takornariartitsinermut ineriartortitseqataasussaavoq. Taamaaliorpugut paasisassarsiorfiit arfinillit pilersaarutaasut pilersinnerisigut ingerlannerisigullu. Paasisassarsiorfinnut orniguttut nunap immikkoortortaani kulturip pinngortitallu oqaluttuarisaaneri pillugit ilikkagaqarsinnaassapput, saqqummersitat pissanganartut malugisaatsit atorlugit misigineqarsinnaasut misissuataarnerisigut. Nunatsinni nunanilu allani takornarialerisut angalatitsisartullu aamma suleqatigalugit nunatsinnut takornariat misigisassaannik pitsaanerpaanik pilersitsisassaagut.
Takornarialerisutut aaqqissuisartutulluunniit akikilliliivigineqarsinnaavutit misigisassallu immikut aaqqissuussat peqataaffigisinnaallugit. Susassaqartitsiniarluta neqeroorutitsinnik inniminneereernikkut tikeraartuvit illit pilersaarutinut akornutaanngitsumik peqataasinnaanerat qulakkiissavat. Aaqqissuisartunut neqeroorutigut pillugit paasisaqarnerorusukkuit toortagaq ataani atuarsinnaavatit.
Aaqqissuisartunut neqeroorutit
Nunarput amerlasuunit ilisimaneqanngilaq ornigassatullu nutaajulluni – takornariartussanut aaqqissuisartunullu aamma taamaappoq. Issittumi kulturerput, pinngortitaq nunatsinnilu ataqatigiinnermut aaqqissuussaaneq immikkuullarissuupput. Taamaattumik takornariat pitsaanerpaamik misigisaqarnissaat anguniarlugu pingaaruteqarluinnarpoq aaqqissuisutut pissutsit pillugit sukumiisumik misissuinissat.
Nuna tamakkerlugu takornariaqarnermut siunnersuisoqarfik Visit Greenland paasissutissanik amerlasuunik, ilitsersuutinik siunnersuutinillu katersaateqarpoq uani atuarneqarsinnaasunik: https://traveltrade.visitgreenland.com/gl
GVC-p akisussaaffigaa nunatsinni paasisassarsiorfiit arfinillit pilersinnissaat ingerlannissaallu. Paasisassarsiorfiit ornigassaqqissuupput, nunap immikkoortuani kulturip pinngortitallu oqaluttuarisaanerannik paasissutissiisut. Aaqqissuisartunut misigisassanik aaqqissuuteriikkanik neqerooruteqarpugut akikilliliissuteqarsinnaallutalu. Piffissamut aalajangersimasumut inniminniivigineqarsinnaavugut. Taamaasilluta tikeraartussavit ornigukkaluarlutik itigarnissaat pinngitsoorsinnaavarput. Destination Management Organisations (ornitassamut aaqqissuussillutik sullissisut) maanilu takornarialerisut suleqatigaagut misigisassanik aaqqissuuteriikkanik pilersitsinissaq siunertaralugu. Assersuutitut taaneqarsinnaavoq Ilulissani tikeraartitavit arfernik takornariartinnatik kingornalu neriniartarfimmut tamaani pisanik neriartortinnatik sermersuup uumasunut Iluliarmiunullu qanoq pingaaruteqartiginera paasisaqarfigisinnaavaat. Aaqqissuisartutut neqeroorutigut soqutigigukkit ugguuna attaveqarfigisinnaavatsigut.
MIGISISASSAT ANNERTUUT TALLIMAT
Takornarialerisunut neqeroorutit
GVC-p suliassaasa pingaarnersaat tassaavoq nunap ilaani sumiiffimmi kulturip pinngortitallu oqaluttuarisaaneri pillugit paasissutissiinissaq, takornariat misigisassaat ataqatigiiffiannut inissinnissaat siunertaralugu. Taamalilluni aamma GVC takornarialerisut suleqatigalugit takornarianut misigisassat aaqqissuuteriikkat pilersinnnerisugut nunatsinni takornariartitsisarnermut pitsanngorsaanermi ikorfartuissaaq misigisassallu ataqatigiinnerusut pitsaassutsimikkullu qaffasinnerusut pilersissinnaassallugit. Takornarialerisutut qanoq suleqatigisinnaanerluta paasisaqarusukkuit ugguuna attavigisinnaavatsigut.
