Greenland Visitor Center tassaavoq nunatsinni paasisassarsiorfinnik qitiusumik ingerlatsivik. Isumagisarpagut: Aningaasaliissutit, paasisassarsiorfiit peqatigalugit aaqqissuusinerit aammalu takornarialerisut angalatitsisartullu suleqatigalugit misigisassanik aaqqissuuteriikkanik isumaqatigiissusiornerit. Nunatsinni paasisassarsiorfiit arfinillit pilersaarutaapput. Illorsuarni kommuneqarfiit ataasiakkaat takornarialerisullu suleqatigalugit takornarianut neqeroorutissat; pinngortitaq kulturilu immikuullarissut paasissutissiivigineqassapput. Paasisassarsiorfik siulleq Ilulissaniittoq, Kangiata Illorsua, maannakkut sananeqarpoq.

Kangiata Illorsuanut orniguttussanut 2021-mi aasakkut ammarneqarnissaa pilersaarutaavoq, taamaattumik aasaaqinnissaanut takornariartussanut piareersaalluta aallartereerpugut. Angalasitsisartuuguit una tooruk, tikeraartutillu sunik neqeroorfigisinnaanerlugit paassisaqarlutit.

Paasisassarsiorfiit arlaannut aningaasaleeqataarusukkuit periarfissatit uani paasisaqarfigisinnaavatit. Nunatsinni takornarialerisuuguit Kangiatalu Illorsua suleqatigerusullugu, una tooruk.